श्रीनगर - काश्मीरच्या खोऱ्यातील कडाक्याची थंडीची लाट अजूनही कायम असल्याने प्रसिद्ध दल सरोवर यंदाच्या मोसमात प्रथमच गोठले आहे. श्रीनगरमध्ये काल (बुधवार) यंदाच्या मोसमातील नीचांकी तापमानाची नोंद झाली. बुधवारी श्रीनगरमध्ये उणे चार अंश तापमान होते.
कारगिलमध्ये पारा आणखी घसरला असून तेथे उणे 16.2 अंश तापमानाची नोंद झाली आहे. लेहमध्ये उणे 16 अंश तापमान होते. पर्यटनासाठी प्रसिद्ध असलेल्या गुलमर्गमध्ये उणे 9 अंश, तर पहलगाममध्ये उणे 7.8 अंश तापमानाची नोंद झाल्याचे वेधशाळेने सांगितले.
थंडीची ही लाट आणखी काही दिवस राहणार असल्याचेही वेधशाळेने स्पष्ट केले. श्रीनगरमध्ये काल तापमान शून्य अंशाच्याही खाली गेल्याने दल सरोवरासह या भागातील इतर तलावही संपूर्ण गोठले आहेत.
No comments:
Post a Comment